طه الفحصي , 21 عام , ولد تازة ساكن فالدار البيضاء، بالضبط فبنجدية لي منو جات سمية اللابل ديالو BNJ CITY BLOCK .

دخل لعالم الراب ف 2012 من مور ماكان كايدير الدانس مع خوه سفيان، المانادجر الحالي ديالو، بدا فلول كيسمع للراب دفرنسا، وبقا ساكت حتى لخر ديال 2016، منين فركعها بالطراك لي نقدرو نقولو عليه بيوغرافي ديال طوطو، “ حلمة آدو ” .
طه ختار سمية ايلغراندي طوطو، نسبة ل طوطورينو، المافيوزي الايطالي المشهور، ودخل فاللابل المعروفة زاوا سيتي لي فيها ولاد دربو، حليوة , لانكو ..
دار فيتات مع بزاف ديال الروابا المعروفين، بحال: دراغا، لاغتيست والفردة .